Pecados manuais

Un guateque era o terreo ideal para presentar unha estratexia de acoso e derruba, especialmente se chegabamos  a el coas armas axeitadas, equipados dun impecable swing para o twist, do acaneo medido para o madison, do desenfreo xusto par o rock, do compás que require a cumbia e dos brazos máis agarimosos para a traca final do agarrado, cando a metade das luces xa estivesen apagadas e o vapor do cup réndese aos mozos na modorra excitante dunha aperta sein fin, como dicían Los Panchos, sentindo o par de tetas sobre o teu peito e esfregando a ceboliña contra o que houbese aman…